سوشل میڈیا پر پاکستانی فوج کی زیر حراست، بھارتی پائلٹ ونگ کمانڈر ابھے نندن کی واپسی بھارت ٹوئٹر ٹرینڈ بن گیا۔
اس وقت بھارت یکجاں ہو گیا ہے اور بھارت میں ’ابھے نندن کو واپس لاؤ‘ ٹاپ ٹوئٹر ٹرینڈ بن چکا ہے۔
بھارتی میڈیا کے مطابق بھارتی وزیر خارج سشما سوراج کی جانب سے مطالبہ کیا گیا ہے کہ پاکستان ’انڈین ایئرفورس‘ کے تباہ ہونے والے طیارے میگ21 کے پائلٹ ونگ کمانڈر ابھی نندن کو فوری طور پر رہا کرے اور اس کی بحفاظت وطن واپسی کو یقینی بنایا جائے۔
وزیرِ اعلیٰ دہلی ’اروند کجریوال‘ نے ٹوئٹ میں لکھا کہ ’پائلٹ ونگ کمانڈر ابھے نندن کی بحفاظت وطن واپسی کے لیے حکومت کو فوری اقدامات کرنے چاہئیں۔ بھارتی قوم کے بیٹے پر ہم سب کو فخر ہے۔ انہوں نے مزید لکھا کہ ہمیں اُمید ہے ابھے نندن بحفاظت گھر واپس آجائے گا۔ بھارتی قوم اپنے ملک کی سلامتی کے لیے یکجاں رہے گی۔‘
I wud urge the PM to postpone this. At this moment, we as a nation, need to spend all our energies and time to get the IAF pilot back safely andto sternly deal wid Pak. https://t.co/HKgBeqSe8a
— Arvind Kejriwal (@ArvindKejriwal) February 28, 2019
ایک ٹوئٹر صارف نے اپنے ٹوئٹ میں کہا کہ ’ہم سب ابھے نندن کے ساتھ ہیں۔‘
ایک بھارتی سیاسی پارٹی کے صدر نےبھی ٹوئٹ کرتے ہوئے لکھا کہ ’بھارتی حکومت ابھے نندنن کی بحفاظت وطن واپسی کے لیے ہر ممکن کوشش کرے۔‘
سابق بھارتی کھلاڑی آکاش چوپڑا نے بھی ٹوئٹ میں ’ابھے نندنن کی واپسی کی اُمید کی ہے۔‘
صرف یہی نہیں بلکہ بھارتی فنکاربھی بھارتی پائلٹ کی وطن واپسی پر ٹاپ ٹوئٹ ٹرینڈ میں شامل ہو گئے۔
بھارتی فلمی ڈائریکٹر’کرن جوہر‘ نے بھی اپنے ٹوئٹ میں ابھینندن کی بحفاظت اور جلد واپسی کی اُمید کی ہے۔
Thoughts and strength to #WingCommandarAbhinandan amd his familly….India stands tall and proud with you….
— Karan Johar (@karanjohar) February 27, 2019
بالی ووڈ اداکار ’ارجن کپور‘ نے بھی اپنے ٹوئٹر پر ’ونگ کمانڈر کی بحفاظت وطن واپسی کے لیے دعا کی ہے‘۔
My prayers with #wingcommanderabhinandan hope he is safe & we see him back on home soil very soon…
— Arjun Kapoor (@arjunk26) February 27, 2019
واضح رہے کہ پاکستان نے بھارتی دراندازی کا جواب دیتے ہوئے دو بھارتی طیارے مار گرائے تھے اور ایک بھارتی پائلٹ کو گرفتارکرلیا تھا۔
بھارتی عوام پاکستان کی زیرِحراست پائلٹ کی حفاظت کے لیے پریشان ہے کہ پاکستان آرمی اُس کے ساتھ کیسا سلوک کرے گی، لیکن بھارتی پائلٹ کے ساتھ فوجی اقدار کے مطابق سلوک کیا جارہا ہے۔
بھارتی عوام ابھے نندن کی دیدہ دلیری کی تعریف کررہی ہے کہ وہ دشمنوں کے بیچ جا کر بھی گھبرایا نہیں لیکن حقیقت تو یہ ہے کہ پاکستانی آرمی آفیسر سے گفتگو میں بھارتی پائلٹ ابھے نندن پاکستانی فوج کے رویے کو متاثر کن قرار دے رہا ہے۔
گرفتار بھارتی پائلٹ کی جاری کردہ ایک ویڈیو میں بھی دیکھا جا سکتا ہے کہ وہ چائے کا کپ ہاتھ میں پکڑے انتہائی مطمئن نظر آرہا ہے۔
ابھے نندن نے گفتگو کرتے ہوئے کہا کہ پاک فوج کا رویہ پیشہ وارانہ اور انتہائی متاثر کن ہے ،ہماری افواج کو بھی یہی رویہ اپنا نا چاہیے۔ اُس کا مزید کہنا تھا کہ اگر وہ اپنے ملک واپس گیا تو اپنا بیان نہیں بدلے گا۔
