دولت مشترکہ سربراہ اجلاس آج شروع ہوگا

لندن میں ہونے والے دولت مشترکہ سربراہان اجلاس پاکستانی وقت کے مطابق آج دوپہر دو بجے شروع ہوگا، اجلاس میں دولت مشترکہ ممالک کے سربراہان اپنے ممالک کو درپیش چیلنجز پر بات کریں گے۔

بکنگھم پیلس میں ہونے والے دولت مشترکہ اجلاس کی افتتاحی تقریر ملکہ الزبتھ دوم کریں گی۔

اجلاس کا موضوع ’مشترکہ مستقبل کی طرف‘ رکھا گیا ہے، دولت مشترکہ اجلاس میں پاکستان کی نمائندگی وزیراعظم شاہد خاقان عباسی کریں گے۔

اجلاس کے موضوعات میں عالمی تجارت، ماحولیاتی تبدیلیوں کا مسئلہ، سیکورٹی چیلنجز سمیت دیگر مشترکہ امور شامل ہیں، دولت مشترکہ تنظیم ماضی میں برطانیہ کے زیر تسلط رہنے والے 53 رکن ممالک پر مشتمل ہے۔

اپنا تبصرہ بھیجیں