شعیب کے شاندار 65 رنز، کوئٹہ کیلئے 153 کا ہدف

پاکستان سپر لیگ(پی ایس ایل) تھری کے17ویں میچ میں ملتان سلطانز نے کوئٹہ گلیڈی ایٹرز کو 153 رنز کا ہدف دیدیا ہے۔

ملتان سلطانز نے پہلے بیٹنگ کرتے ہوئے مقرررہ 20 اوورز میں کپتان شعیب ملک کے ناقابل شکست 65 رنز کی اننگز کی بدولت 5 وکٹ 152 رنز بنائے، قابل دفاع ٹارگٹ سیٹ کرنے میں صہیب مقصود27، سہیل تنویر 19،روس وائٹلے 16رنز بھی قابل ذکر رہے۔

دبئی انٹرنیشنل کرکٹ اسٹیڈیم پر کھیلے جارہے میچ میں کوئٹہ گلیڈی ایٹرز کے کپتان سرفراز احمد نے ٹاس جیت کر ملتان سلطانز کو بیٹنگ کی دعوت دی۔

شعیب ملک الیون کی طرف سے احمد شہزاد اور کمارا سنگاکارا نے اننگز کا آغاز کیا، اس بار سرفراز الیون نے پہلے 2 اوورز میں ہی دونوں اوپنرز کو قابو کرلیا۔

اپنا تبصرہ بھیجیں