مجھے نا اہل نہیں کیا گیا بلکہ 30 سیکنڈ کی سزا دی گئی تھی،

سابق وزیر اعظم سید یوسف رضا گیلانی کا کہنا ہے کہ میری نااہلی کا فیصلہ پارلیمنٹ کے خلاف تھا۔

لاہور میں معروف قانون دان عاصمہ جہانگیر کے اہل خانہ سے تعزیت کے بعد میڈیا سے گفتگو میں یوسف رضا گیلانی نے کہا کہ انہوں نے خط والے معاملے پر آئین کے مطابق کام کیا، انہیں نا اہل نہیں کیا گیا بلکہ 30 سیکنڈ کی سزا دی گئی تھی، ان کی نااہلی کا فیصلہ پارلیمنٹ کے خلاف تھا۔

ان کا کہناتھاکہ سپریم کورٹ چاہتی تھی کہ وہ سوئس حکام کوخط لکھیں ، لیکن صدر فیڈریشن کی علامت اورسپریم کمانڈر ہوتے ہیں، اس لیے آئین کے مطابق کام کیا۔

سابق وزیراعظم نے یہ بھی کہا کہ قانون میں اگر کسی بھی قسم کا سقم ہے تو اسے پارلیمنٹ کو ہی دور کرنا ہے۔

اپنا تبصرہ بھیجیں