ملتان: ٹرالر اور موٹرسائیکل کی آپس میں ٹکر، 3 خواتین جاں بحق، ایک شخص زخمی

جاں بحق ہونیوالی تینوں خواتین یعقوب نامی شخص کیساتھ ایک ہی موٹر سائیکل پر سوار تھیں، ٹرالرکا ڈرائیور موقع سے فرار ہو گیا۔

ملتان: (سنہرادور آن) ملتان میں ٹرالر کی موٹر سائیکل سے ٹکر، حادثے میں 3 خواتین جاں بحق ایک شخص زخمی ہوگیا۔ جاں بحق ہونیوالی تینوں خواتین موٹر سائیکل پر سوار تھیں۔
ملتان کے علاقے وہاڑی روڈ پر ٹریلر نے سامنے سے آنیوالے موٹر سائیکل کو ٹکر مار دی، حادثے میں موٹر سائیکل پر سوار 3 خواتین حسینہ، شاہینہ اور تسلیم موقع پر جاں بحق ہو گئیں جبکہ حادثے کے نتیجے میں ایک شخص زخمی بھی ہوا۔ ریسکیو 1122 کیمطابق زخمی شخص کو طبی امداد کے بعد نشتر ہسپتال منتقل کر دیا گیا ہے جبکہ حادثے میں جاں بحق تینوں خواتین کی میتیوں کو بھی انکے لواحقین کے حوالے کیا گیا ہے۔
جاں بحق ہونیوالی تینوں خواتین یعقوب نامی شخص کیساتھ ایک ہی موٹر سائیکل پر سوار تھیں۔ پولیس نے موقع پر پہنچ کر ٹریلر کو اپنی تحویل میں لے لیا جبکہ ٹرالرکا ڈرائیور موقع سے فرار ہو گیا۔

اپنا تبصرہ بھیجیں