وزیر اعظم کا استعفیٰ کا معاملہ، منظور وسان کی حیران کن پیش گوئی

پاکستان پیپلز پارٹی کے سینئر رہنما منظور وسان کا کہنا ہے کہ حکومت مدت پوری کرتی ہوئی نظرنہیں آ رہی، عمران خان جوش میں آکراستعفیٰ دے دیں گے۔

تفصیلات کے مطابق سکھر میں پیپلز پارٹی کے سینئر رہنما منظور وسان نے میڈیا سے گفتگو میں کہا اس سال بھٹوکی برسی منفرد طریقے سےمنائیں گے، حکومت مدت پوری کرتی ہوئی نظرنہیں آ رہی، عمران خان جوش میں آکر استعفیٰ دے دیں گے۔

یاد رہے دو روز قبل بھی پی پی رہنما منظور وسان نے وزیر اعظم عمران خان سے متعلق حیران کن پیش گوئی کرتے ہوئے کہا تھا 2020 عمران خان اور اس کی حکومت کے لیے کڑوا سال ثابت ہوگا، جون کے بعد حالات ایسے ہوں گے کہ وزیر اعظم خود ہی استعفیٰ دیں گے۔

انھوں‌ نے کہا کہ جس طرح حکومت ٹویٹر سے چلائی جارہی ہے، اس طرح حکومتیں نہیں چلائی جاتیں، وزیر اعظم عمران خان سے عوام کا اعتماد ختم ہوچکا، پارٹی رہنماﺅں کی طرف سے ایسے حالات پیدا کئے جائیں گے، جس سے وزیر اعظم کی اہمیت ختم ہوجائے گی، عمران خان کی خیبر پختونخوا اورپنجاب میں پہلے والی پوزیشن ختم ہوتی جارہی ہے۔

منظور وسان کا کہنا تھا انھیں سوچ سمجھ کر فیصلے کرنے چاہییں، ایسا نہ ہو کہ مستقبل میں وزیر اعظم کے فیصلے نہ مانے جائیں اور انھیں اپنی سیاست سے ہاتھ دھونا پڑے۔

انھوں نے مزید کہا تھا عمران خان کی جگہ شاہ محمود قریشی کو نیا وزیراعظم لایا جائے، تحریک انصاف جو باتیں کر رہی ہے وہ سمجھ سے باہر ہے۔

اپنا تبصرہ بھیجیں