پی پی نے جے آئی ٹی رپورٹ کو جھوٹ پر مبنی قرار دیدیا

پیپلزپارٹی نے جے آئی ٹی رپورٹ کو جھوٹ پر مبنی قرار دیتے ہوئے اس پر قانونی چارہ جوئی کرنےاور حکومت کی عوام دشمن پالیسیوں اور انتقامی کارروائیوں کے خلاف پارلیمنٹ سمیت ہر فورم پر آواز اٹھانے کا فیصلہ کیا گیا۔

نوڈیرو ہاؤس لاڑکانہ میں پیپلزپارٹی کی سینٹرل ایگزیکٹو کمیٹی کااجلاس چیئرمین بلاول بھٹو زرداری اور آصف علی زرداری کی زیرصدارت ہوا۔ اجلاس میں شہید بینظیر بھٹو خراج تحسین پیش کیا گیا۔

اجلاس میں سی ای سی کے ممبران کے علاوہ صنم بھٹو کی خصوصی طور پر شرکت کی۔

اجلاس میں جے آئی ٹے کی رپورٹ کے بعد پیدا ہونے والی صورتحال پر مشاورت اور آصف زرداری اور فریال ٹالپور کی ممکنہ گرفتاری کی صورت میں پیدا ہونے والی صورتحال پرغور کیا گیا۔

اجلاس میں اراکین نے پارٹی قیادت پر مکمل اعتماد کا اظہار کیا اورحکومت کی سو روزہ کارکردگی کومسترد کرتے ہوئےشدید تنقید کا نشانہ بنایا۔

واضح رہے کہ رواں ہفتے جے آئی ٹی نے جعلی اکاؤنٹس اور میگا منی لانڈرنگ کیس میں اومنی گروپ اور آصف زرداری کو ذمہ دار قرار دیا تھا، جس کے نتیجے میں سپریم کورٹ نے اومنی گروپ اور زرداری گروپ کی جائیداد کی خرید و فروخت اور ٹرانسفر پر پابندی عائد کردی۔

اپنا تبصرہ بھیجیں