کراچی میں آج اور کل پارہ 43 تک جانے کا امکان

محکمہ موسمیات نے خبردار کرتے ہوئے کہا ہے کہ کراچی میں دو روز کے دوران موسم شدید گرم اور خشک رہنے کا امکان ہے، جبکہ پارہ 43 ڈگری سینٹی گریڈ تک جاسکتا ہے۔

محکمہ موسمیات نے بتایا کہ کراچی میں جمعے کے روز درجہ حرارت 42 ڈگری تک پہنچے کا امکان ہے، جبکہ ہفتے سے شہر کا موسم دوبارہ معمول پر آنے کے امکانات ہیں۔

آج کراچی میں ہوا میں نمی کا تناسب 68 فیصد ہے اور آئندہ 24 گھنٹوں کے دوران موسم شدید گرم اور خشک رہے گا۔

دوسری جانب محکمہ موسمیات نے خبردار کیا ہے کہ مئی اور جون میں موسم معمول سے زیادہ گرم اور خشک رہے گا اور درجہ حرارت بھی معمول سے 1 سے 2 ڈگری سینٹی گریڈ زیادہ رہنے کا امکان ہے۔

ذرائع کے مطابق مئی اور جون میں اندرون سندھ اور جنوبی پنجاب میں درجہ حرارت 45 ڈگری سے بھی اوپر جاسکتا ہے۔اس کے علاوہ سندھ اور پنجاب میں ہیٹ ویو کے واضح امکانات ہیں۔

اپنا تبصرہ بھیجیں