گوگل پلس کو بند کرنے کا اعلان

گوگل کا سوشل نیٹ ورک گوگل پلس صارفین کی توجہ حاصل کرنے میں ناکام رہا ہے یہی وجہ ہے کہ گوگل پلس کو 2 اپریل 2019 سے مستقل طور پر ختم کیا جا رہا ہے۔ اس حوالے سے گوگل نے لائحہ عمل کا اعلان بھی کر دیا ہے۔ 4 فروری سے ہی صارفین نئی پروفائلز، پیجز، کمیونٹی اور ایونٹس بنانے سے قاصر ہوجائیں گے اور گوگل پلس کے صارفین کی بلاگر میں کمنٹ کرنے کی اہلیت بھی ختم ہوجائے گی۔ گوگل پلس سائن ان بٹن کام کرنا بند کردے گا اور کچھ جگہوں پر گوگل سائن ان بٹن اس کی جگہ لے گا۔واضح رہے گوگل پلس کو 7 سال قبل جون 2011 میں متعارف کرایا گیا تھا، اس سوشل شیئرنگ پیج کا مقصد فیس بک جیسی ویب سائیٹس کا مقابلہ کرنا تھا۔

اپنا تبصرہ بھیجیں