کورونا وائرس سے چین میں مزید 14 ہلاکتیں

عالمی وبا کی صورت اختیار کرنے والے خطرناک کورونا وائرس سے چین میں مزید 14 ہلاکتیں سامنے آئیں ہیں جس کے بعد کورونا وائرس سے متاثرہ افراد کے ہلاکتوں کی تعداد 3 ہزار 213 ہوگئی ہے۔

نیشنل ہیلتھ کمیشن کے مطابق چین میں کورونا وائرس سےمزید 14ہلاکتوں کے بعد اس وائرس سے مرنے والے افراد کی تعداد 3 ہزار213 ہو گئی ہے جبکہ چین میں 24 گھنٹوں میں 16 نئے کیسز سامنے آئے ہیں۔

نیشنل ہیلتھ کمیشن کے اعدادو شمار کے مطابق کورونا وائرس سے متاثرہ افراد کی تعداد 80 ہزار 860 ہوگئی ہے جبکہ چین میں اب تک کورونا وائرس سے متاثر 67 ہزار 749 افراد صحت یاب ہو چکے ہیں۔

نیشنل ہیلتھ کمیشن کا کہنا ہے کہ چین میں کورونا وائرس سے 9 ہزار 898 متاثرین کا علاج جاری ہے۔

اپنا تبصرہ بھیجیں