10 ماہ میں کرنٹ اکاؤنٹ خسارے میں 71 فیصد کمی ہوئی، اسٹیٹ بینک

اسٹیٹ بینک کا کہنا ہے کہ رواں مالی سال کے پہلے 10 ماہ میں کرنٹ اکاؤنٹ خسارے میں 71 فیصد کمی ہوئی ہے جبکہ اپریل میں کرنٹ اکاؤنٹ خسارہ 48.24 فیصد کم ہوگیا ہے۔

مرکزی بینک کی دستاویز کے مطابق جولائی تا اپریل کرنٹ اکاؤنٹ خسارہ 8 ارب 10 کروڑ 60 لاکھ ڈالرز کم ہوا، اپریل میں کرنٹ خسارے میں 53 کروڑ 30 لاکھ ڈالرز کی کمی ہوئی۔

اسٹیٹ بینک کی دستاویز کے مطابق جولائی تا اپریل کرنٹ اکاؤنٹ خسارہ 3 ارب 34 کروڑ 30 لاکھ ڈالرز رہا۔

دستاویز کے مطابق گذشتہ سال اسی عرصے میں کرنٹ اکاؤنٹ خسارہ 11 ارب 44 کروڑ 90 لاکھ ڈالرز تھا۔

اسٹیٹ بینک کے مطابق اپریل 2020 میں کرنٹ اکاؤنٹ خسارہ 57 کروڑ 20 لاکھ ڈالرز رہا۔

اسٹیٹ بینک کا کہنا ہے کہ اپریل 2019 میں کرنٹ اکاؤنٹ خسارہ 1 ارب 10 کروڑ 50 لاکھ ڈالرز تھا۔

اپنا تبصرہ بھیجیں