شاہ رخ خان کا فینز کے لیے سماجی دوری پر مبنی پیغام

بالی ووڈ کے کنگ خان نے اپنی ٹیم کولکتہ نائٹ رائیڈرز کے پرستاروں کے لیے ایک نغمہ لانچ کیا ہے جس میں وہ خود بھی نظر آرہے ہیں، یاد رہے کہ شاہ رخ خان کے فینز کافی عرصے سے ان کی جانب سے اگلی نئی فلم کے اعلان کے منتظر ہیں۔

اب وہ اپنے پسندیدہ ہیرو کو اس گیت میں دیکھ سکیں گے جس کا ٹائٹل ’لپاؤ‘ ہے، بنگالی زبان میں اس کا مطلب ’جمپ کرنا ہے‘، اور اس میں سوشل ڈسٹینسنگ کا پیغام دیا گیا ہے۔

اس ترانے میں شاہ رخ خان نے ایک جیکٹ کے اسٹائل کا اپر پہن رکھا ہے اس میں وہ ایک نئے ہیئر اسٹائل میں نظر آرہے ہیں۔ اس اسٹائل میں انکے بال کافی لمبے ہیں۔

متحدہ عرب امارات میں انڈین پریمیئر لیگ کے میچز کے دوران شاہ رخ خان کی میچز دیکھتے ہوئے جو تصاویر سامنے آئی تھیں، ان میں انھوں نے اپنے بالوں کو ایک چھوٹی سے ٹوپی کے اندر چھپا رکھا تھا۔

اپنے اس نئے انداز کو سامنے لانے کےحوالے سے کنگ خان تھوڑے سے محتاط بھی ہیں، یاد رہے کہ وہ آخری بار اسکرین پر دسمبر 2018 میں فلم زیرو میں نظر آئے تھے۔

اب اطلاعات ہیں کہ کنگ خان یش راج فلمز پروڈکشن کے زیر عنوان ’پٹھان‘ میں نظر آئیں گے۔ تاہم اس حوالے سے شاہ رخ اور پروڈکشن کمپنی نے کوئی تبصرہ نہیں کیا ہے۔

دوسری جانب شاہ رخ خان ان دنوں اپنی آئیکونک فلم ’دل والے دلہنیا لے جائیں گے‘ کی 25ویں سالگرہ منارہے ہیں۔

اپنے اس نئے ترانے کے ورچوئل لانچ کے متعلق کنگ خان کا کہنا ہے کہ میں میچز میں شریک ہوتا رہا ہوں، اور حقیقت میں نے اپنے طوفانی فینز کو کافی مس کیا ہے، اب جبکہ ہمیں ایک دوسرے کو اپنی محبت دکھانا ہے لیکن اس سال تھوڑا دور سے یہ کرنا ہے۔

اپنا تبصرہ بھیجیں