جاپان :طوفانی بارشوں سے 38افراد ہلاک ،50لاپتہ

جاپان میں طوفانی بارشوں نے تباہی مچادی ،38افراد ہلاک اور 50سے زائد لاپتہ ہوگئے ہیں۔

مغربی اور وسطی جاپان میں طوفانی بارشوں کے باعث پیش آنے والے مختلف حادثات میںاموات اور لاپتہ افراد کی تعداد میں اضافے کا خدشہ ظاہر کیا جارہا ہے۔

سرکاری میڈیا رپورٹس کے مطابق طوفانی بارشوں کے باعث سڑکیں زیر آب آگئی ہیں، دریاؤں میں پانی کی سطح خطرناک حد تک بلند ہوگئی ہے۔

ریسکیو اہلکار متاثرہ علاقوں سے لوگوں کو نکالنے کےکام میں مصروف ہیں جبکہ بارشوں کے باعث 19 لاکھ افراد بے گھر ہوچکے ہیں۔

جاپان کے محکمہ موسمیات نے ملک کے مختلف حصوں میں شدید موسم کی وارننگ جاری کررکھی ہے جس کے باعث لینڈ سلائیڈنگ کابھی خطرہ ہے۔

اپنا تبصرہ بھیجیں